Zëvendësministri i Punëve të Brendshme, Astrit Iseni, ka përgënjeshtruar raportimet dhe pretendimet lidhur me mungesën e përfaqësimit të shqiptarëve në strukturat policore të komunës së Butelit.
Në një reagim publik, Iseni bëri të ditur se për pozitën e kryeshefit të Stacionit Policor në Butel është paraparë emërimi i Gazmend Ibrahimit, ndërsa aktualisht pritet vetëm formalizimi i këtij vendimi.
Lidhur me pozitën e zëvendëskomandantit të stacionit, Iseni sqaroi se Boban Dodevski nuk është i emëruar në këtë funksion dhe se pritet të emërohet një kuadër shqiptar. Sipas tij, si propozim për këtë pozitë është avancuar emri i Enes Lucit.
“Shqiptarët edhe në Butel do të kenë përfaqësim dinjitoz në strukturat e policisë,” deklaroi Iseni, duke theksuar angazhimin për përfaqësim të drejtë dhe të barabartë në të gjitha nivelet institucionale.
