Kandidati për kryetar të Komunës së Çairit, Izet Mexhiti, në një intervistë për Agjencinë e lajmeve INA, theksoi se ndryshimi kryesor sot është fakti që nuk ka më vetëm premtime, por po punohet lagje më lagje, cep më cep, me projekte konkrete në terren.
Ai veçoi dy projekte madhore si gurthemeli të zhvillimit të Çairit: ndërtimin e Universitetit “Nënë Tereza” me vlerë 40 milionë euro, si dhe përfundimin e fazës së tretë të Sheshit “Skënderbeu” që përfshin një parking nëntokësor me 400 vende.
Mexhiti tha se prioritet mbetet krijimi i 3 mijë vendparkimeve në gjithë Çairin, ndërkohë që projektet tjera do të përfshijnë shkolla të reja, çerdhe moderne, pastërtinë dhe projekte tjera.
