Pas fitoreve të rëndësishme kundër Ajax dhe Slavia Prague në fazën e parë të Ligës së Kampionëve, Interi jo vetëm që përfiton në aspektin sportiv, por edhe në atë financiar.
Lajmet e mira për klubin zikaltër nuk vijnë vetëm nga renditja, por edhe nga llogaritë bankare, falë formatit të ri të turneut që garanton të ardhura më të larta për klubet pjesëmarrëse. Interi ka siguruar deri më tani 55.115 milionë euro të ardhura neto nga pjesëmarrja në Ligën e Kampionëve 2025/2026.
Ky është rezultat i kombinimit të bonuseve fikse dhe shpërblimeve të lidhura me performancën në fushë. Të gjitha 36 klubet e kualifikuara për Ligën e Kampionëve marrin një shumë fikse prej 18.62 milionë euro, e ndarë në dy këste. Interi ka marrë tashmë 17.87 milionë euro si depozitë fillestare, një pjesë prej të cilave falë dy fitoreve kundër Ajax dhe Slavia Prague, pasi ka pranuar 4.2 milionë euro në total.
UEFA ka futur një sistem të ri bonusi të lidhur me renditjen përfundimtare në grup. Aktualisht, Interi përfiton të paktën një aksion minimal, pra 275,000 euro, ndërsa renditja përfundimtare mund t’i sjellë edhe më shumë në të ardhmen.
Me kalimin në një sistem më të ndërlikuar, por më fitimprurës, Interi tashmë sheh përfitime konkrete që pritet të rriten në varësi të rezultateve në vazhdim të turneut. Për momentin, zikaltërit janë në rrugë të mbarë jo vetëm drejt kualifikimit, por edhe drejt rritjes së ndjeshme të të ardhurave. Fitorja në fushë tashmë po përkthehet edhe në sukses financiar.
