E gjithë bota është me sytë nga zgjedhjet në SHBA. Edhe besimtarët hindu në Indinë jugore nuk bëjnë përjashtim. Ata luten në këtë zgjedhje për një fitore të Kamala Harris.
Harris është vajza e dy emigrantëve, indianë dhe xhamajkanë. Mamaja e saj ka lindur në shtetin e Tamil Nadu para se të shkonte në SHBA për një program doktorature.
Harris ka treguar publikisht kujtimet e saj teksa vizitonte gjyshin në Chennai dhe ka folur se si trashëgimia e saj indiane ka ndikuar në jetën dhe karrierën e saj.
“Përfundimisht ka për t’i fituar zgjedhjet”, tha Ballu, themeluesi i një grupi Hindu në qytetin Madurai.
Nëpër video të publikuara shfaqen postera me fytyrën e Harris pranë zotave hindu, ndërsa priftërinjtë luten dhe hedhin petale luleje për idhujt e tyre./tvklan.al
