Policia britanike tha të enjten se katër persona janë lënduar pasi një veturë është përplasur me këmbësorë dhe disa persona u therën me thikë afër një sinagoge në Manchester dhe se policët kanë qëlluar të dyshuarin, raporton Reuters.
Policia tha se oficerët ishin thirrur për incidentin në Sinagogën në veri të Mançesterit, pasi një dëshmitar tha se kishte parë një makinë duke u përplasur me publikun dhe se një burrë ishte goditur me thikë.
Një fotograf i Reuters tha se kishte një prani të madhe policore në zonë. Ekipet e ambulancës u panë të veshur me jelekë mbrojtës dhe helmeta, dhe të paktën një person u pa duke u futur në një ambulancë.
“Mjekët mbërritën në vendngjarje… dhe po kujdesen për anëtarët e publikut, aktualisht katër anëtarë të publikut me lëndime të shkaktuara si nga automjeti ashtu edhe nga plagët me thikë,” tha policia e Manchesterit në një deklaratë në X.
“Ne aktualisht po vlerësojmë situatën dhe po punojmë me anëtarë të tjerë të shërbimeve të emergjencës,” tha shërbimi i ambulancës.
Andy Burnham, kryetari i bashkisë së Mançesterit, tha se ishte një incident serioz.
“Do t’u thoja njerëzve që dëgjojnë, së pari të shmangin zonën – është një incident serioz, por në të njëjtën kohë mund t’u jap menjëherë siguri njerëzve se rreziku i menjëhershëm duket se ka kaluar dhe Policia e Mançesterit të Madh e ka trajtuar atë shumë shpejt,” i tha ai radios BBC.
