Ibrahimi pyet BDI: Pse votuat ligjin për branitellat e nuk e dhatë asnjë propozim për veteranët e UÇK-së?

Lideri i Alternativës, Dr.Zeqirija Ibrahimi gjatë takimit me aktivist
dhe struktura në Gostivar ka folur edhe për paqartësitë dhe akuzat në
lidhje me ligjin për branitellat duke bërë paralele me heshtjen totale
të BDI-së për ligjin për veteranët e UCK-së.
A mos duan të na akuzojnë se ne nuk e kemi bërë ligjin për UÇK? Sepse
ata e bënë ligjin për branitellat!, pyet midis tjerash Ibrahimi.
“ A mos duan të na akuzojnë se ne nuk e kemi bërë ligjin për UÇK? Sepse
ata e bënë ligjin për branitellat! Dhe tash ata që e kanë bërë ligjin
për branitellat duke i marr votat në emër të veteranëve të UCK-së sot e
akuzojnë VLEN-in. Pyetja themelore është për ata: pse e votuat ligjin
për branitellat dhe pse asnjëherë nuk e dhatë asnjë propozim, nuk është
e rëndësishme a po votohej, pse ata asnjëherë nuk e dhanë asnjë propozim
për ligjin për veteranët e UCK-së?”, deklaroi Ibrahimi.