Njëri nga liderët e VLEN, Zeqirija Ibrahimi, ka deklaruar se shembulli më i qartë që dallon këtë koalicion nga subjektet e tjera politike është mbështetja e kandidatit të pavarur për Strugën, Mendi Qyra.
“Bashkë me krerët e VLEN-it sonte morëm pjesë në hapjen e shtabit të VLEN në Strugë. Struga jonë e bukur, e lënë në harresë nga pushtetet e kaluara, ka nevojë urgjente për ndryshim. 19 tetori i këtij viti do ta sjell ndryshimin e madh në Strugë, por edhe në mendësinë politike shqiptare. Mendi Qyra është emri që do t’i prijë këtij ndryshimi”, ka shkruar Ibrahimi.
Ai theksoi se Struga meriton më shumë se korrupsionin dhe ngecjet e pushteteve të kaluara dhe se qyteti buzë liqenit do të hapë një faqe të re zhvillimi pas 19 tetorit.
