Kryetari i Alternativës dhe njëri prej liderëve të VLEN, Zeqirija
Ibrahimi, mori pjesë në emisionin “INTERVISTA E DITëS” në Alsat-M.
I pyetur rreth uniformave të policisë, Ibrahimi ka theksuar se tenderi
është hapur për veshjet, e jo për simbolet.
Ai ka nënvizuar se kanë marrëveshje parimore me partnerët e koalicionit
që të respektohet Ligji për përdorimin e gjuhëve edhe në temën e
uniformave të policisë.
“ Ligji për përdorimin e gjuhës është miratuar në vitin 2018. Ata gjatë
gjithë kësaj kohe nuk e kanë zbatuar ligjin nëqoftëse ka qenë e
detyrueshme në përdorimin e uniformave të policisë. Tash është mirë që
përpara se ta bëjnë akuzën të përgjigjen pse nuk e kanë zbatuar ligjin
për përdorimin e gjuhës shqipe në uniformat e policisë? Në vitin 2023
është sjell edhe një Rregullore që e përcaktonte se do të duhej të
përdorej shqipja në uniformat e policisë dhe ata as atë nuk e kanë
zbatuar. Ata është mirë që fillimisht të përgjigjen pse nuk e kanë
zbatuar? A kanë pasur frikë ose nuk kanë pasur interes që ta përdorin
shqipen në uniformat e policisë. Kurse në këtë rast, dua të shpjegoj që
tenderi që është hapur për uniformat, është hapur për veshjet e jo për
logon dhe mbishkrimet e tjera që të përdoren nëpër ato uniforma. Ne kemi
një marrëveshje parimore me partnerët e koalicionit tonë qeveritar që
ligji të respektohet gjatë vendosjes së emërtimeve përkatëse në
uniformat e policisë ”, deklaroi Ibrahimi.
Ibrahimi: Nuk kishte asnjë arsye që shtetasit e Maqedonisë të ndahen në
rezident dhe jo rezident!
Kryetari i Alternativës dhe njëri prej liderëve të VLEN, Zeqirija
Ibrahimi, mori pjesë në emisionin “INTERVISTA E DITëS” në Alsat-M.
I pyetur rreth përfshirjes së diasporës në jetën politike në Maqedoninë
e Veriut dhe kontributit të tyre,ai ka nënvizuar se BDI poshtëroi se
nënçmoi rrolin e tyre duke i ndarë në popullsi jo rezidente.
“ Fillimisht më duhet të shpjegoj se këtë shpikjen si rezident dhe jo
rezident e bënë ata. Nuk kishte asnjë arsye që të bëhej ajo. Dhe u
rrëzua si terminologji. Për shkak se, ata që janë qytetar të Maqedonisë
së Veriut që kanë shtetësi të Maqedonisë së Veriut, të gjithë janë
banorë të këtij vendi dhe nuk ka asnjë arsye që ata të kategorizohen në
grafe të tilla. Që pastaj e ka imponuar këtë gjendje të këshilltarëve.
Realisht ne do të punojmë që regjistrimi i ardhshëm i popullsisë të
bëhet mbi kritere të këtilla. Dhe të mos kemi më stratifikim të këtillë
të kategorisë së popullsisë. Që të mos jemi as injorues e poshtrues ndaj
diasporës, por të jemi vlerësues për kontributin që ata e japin për
zhvillimin e vendit tonë ”, deklaroi Ibrahimi.
