Një i ri aventurier që eksploronte me sportet ekstreme, ka humbur jetën pasi ka rënë nga maja e një kulle në Hong Kong në të cilën ai kishte qenë duke u ngjitur.
Remi Lucidi, i cili njihej me emrin si ‘Remi Enigma’ në internet, ishte i njohur për ngjitjen e kullave të mëdha në të gjithë botën, duke përfshirë ndërtesa, vinça, ura dhe shtylla.
Ai besohej se kishte arritur në katin e 68-të të Kullës Tregunter në Hong Kong, nga ku mendohet të ketë rënë.
Gjatë ngjitjes së kullës së fundit, aventurieri ishte parë nga një shërbëtore duke trokitur në dritaret e apartamentit për t’u kthyer brenda ndërtesës, por ra për vdekje përpara se të arrinte ndonjë ndihmë.
Lucidi mësohet se ka mbërritur në kullë në orën 18:00 të enjten e kaluar, kur ndodhi incidenti , duke i thënë sigurimit se po vizitonte një mik në katin e 40-të.
Por banori që ai pretendonte se e njihte, ka mohuar ta njohë dhe mësohet se ka qenë thjesht një hile për Lucidin për të kaluar sigurinë. Ai u pa për herë të fundit i gjallë në orën 19:38, kur goditi në dritaren e apartamentit, tha policia.
Policia gjeti kamerën sportive të francezit, e cila kishte pamjet e ngjitjeve që ai kishte bërë. Ai ndau shumë nga përmbajtjet e tij në Instagram, duke krijuar mbi 4000 ndjekës.
Ai ka marrë pjesë në sportet ekstreme, duke bërë ngjitje të guximshme në disa vende të ndryshme si Dubai, Bullgari dhe Francë.
Pas vdekjes së tij dhjetëra ndjekës kanë shprehur në media mesazhet e tyre ngushëlluese për humbjen e të riut.
