Sipas mediave të huaja, kjo ngjarje ndodhi për një incident në prapaskenë që po hetohet nga policia.

Organizatori i European Broadcasting Union, tha se nuk do të ishte e përshtatshme që zoti Klein të merrte pjesë në ngjarjen në Malmo, ndërsa procesi hetimor ishte duke u zhvilluar.

Klein, një këngëtar holandez 26-vjeçar, kishte qenë i preferuari i kompanive të basteve dhe artdashësit me këngën e tij “Europapa”.

Ai nuk mori pjesë në dy prova të premten dhe u tha se ishte për shkak të hetimit të një incidenti.

Këngëtari dhe reperi 26-vjeçar holandez ka qenë i preferuari i publikut, si dhe i preferuari i fansave, me këngën e tij “Europapa”, një këngë optimiste tekno mbi diversitetin e kontinentit dhe gjithashtu një nderim për prindërit e Klein të cilët kanë ndërruar jetë kur ishte fëmijë.

Edhe pse thashethemet kishin qarkulluar se incidenti ishte i lidhur me delegacionin e Izraelit, organizatorët thanë se “nuk përfshinte asnjë këngëtar, apo anëtar tjetër të delegacionit”.

Pjesëmarrja e Izraelit në këtë edicion ka tërhequr demonstrata të mëdha pro-palestineze, me protestues që thonë se vendi duhet të përjashtohet për shkak të veprimeve të Izraelit në luftën në Rripin e Gazës.