Gjykata Speciale ka refuzuar kërkesën për lirimin e ish presidentit Hashim Thaçi për të ia mundësuar pjesëmarrjen në ceremoninë e varrimit të babait të tij.
Vendimi i Gjykatës nuk u pritë mirë në Kosovë. Një reagim, si asnjëherë më parë, e pati edhe ministrja e Drejtësisë, Albulena Haxhiu e cila e kritikoi vendimin e Gjykatës, shkruan Insajderi.
Ajo e quan këtë vendim absurd, njëherit njofton se lidhur me këtë vendim të padrejtë do t’i shkruaj kryetares së Dhomave të Specializuara, Ekaterina Trendafilova.
“Proceset gjyqësore duhet të jenë të drejta e të bazuara mbi respektimin e të drejtave më elementare njerëzore. Nuk ka gjë më njerëzore sesa të marrësh pjesë në varrimin e prindit. Andaj, krejt absurde nga ajo që kuptuam nga mediat se ish-presidentit Thaçi nuk i është dhënë leja për të marrë pjesë në ceremoninë e varrimit të babës. Lidhur me këtë vendim të padrejtë do t’i shkruaj kryetares së Dhomave të Specializuara”, shkruan Haxhiu.
