Haqim Ramadani kërkon takim me Edi Ramën dhe Albin Kurtin

Kandidati i VLEN-it për komunë e Bërvenicës, Haqim Ramadani, i cili dha dorëheqje nga posti i Drejtorit të Inspektoratit për Vetëqeverisje Lokale, në rrjetin social facebook ka kërkuar takim me kryeministrin e Shqipërisë Edi Rama dhe atë të Kosovës, Albin Kurti.
Ramadani shkruan se në atë takim dëshiron të bisedojë për gjendjen e shqiptarëve në RMV por edhe për, sipas tij, padrejtësitë në zgjedhjet komunale ku ai humbi në Bërvenic, karshi kandidatit të VMRO-së
“Ftoj kryeministrin e Republikës së Shqipërisë,
z. Edi Rama në takim zyrtar në zyrat e tij, në bazë të nenit 8 të Kushtetutës së Shqipërisë, ku përcaktohet se Republika e Shqipërisë mbron të drejtat e shqiptarëve jashtë kufijve të saj.
Një ftesë e tillë i drejtohet edhe kryeministrit të Republikës së Kosovës, z. Albin Kurti për një takim në zyrën e tij, me qëllim që të diskutojmë për bashkëpunimin dhe mbështetjen e shqiptarëve në Maqedoninë e Veriut.
Në kuadër të këtij takimi, kërkoj që të hapet edhe diskutimi për parregullsitë e evidentuara gjatë zgjedhjeve komunale në Bërvenicë, si çështje që lidhet drejtpërdrejt me të drejtën e përfaqësimit dhe integritetin e procesit demokratik.
Haqim Ramadani
Kandidat për kryetar komune në Bërvenicë”, ka shkruar Ramadani.