Në komunën e Çairit sot do të hapet objekti i ri “Bambi” i kopshtit për fëmijë “Fidani”.
Siç kumtoi komuna Çair, objekti “Bambi” ka kapacitetin më të madh për kujdes dhe edukim të hershëm në të gjithë vendin.
“Përmes kësaj ngjarje, synojmë të promovojmë përkushtimin institucional ndaj përmirësimit të kushteve për edukimin e hershëm dhe rritjen e investimeve publike në fëmijëri të hershme”, theksohet në kumtesën.
Në hapjen, siç është paralajmëruar, do të marrin pjesë Zëvendëskryeministri i Parë, Izet Mexhiti, ministri i Politikës Sociale, Demografisë dhe të Rinjve, Fatmir Limani dhe kryetari i komunës së Çairit, Visar Ganiu.
