Hapet parking i ri në afërsi të shkollës “Liria”me kapacitet prej 50 veturave, Ganiu: Ky është vetëm fillimi i shumë projekteve

Kryetari i komunës së Çairit, ka promovuar parkingun e ri me 50 vende pranë shkollës “Liria” në lagjen e Gazi Babës.
“Ky projekt, i financuar nga Komuna e Çairit, është një hap i rëndësishëm për ofrimin e mundësive më të mira për parkim në këtë zonë.
Krijimi i këtij parkingu është më shumë se thjesht një investim në infrastrukturë – është një shembull i angazhimit tonë për të ndërtuar një mjedis më të organizuar, funksional dhe të përshtatshëm për banorët tanë.
Falënderoj ekipet që punuan me përkushtim në këtë projekt dhe banorët për mbështetjen e tyre. Ky është vetëm fillimi i shumë projekteve që do të vijojnë për ta bërë Çairin një vend edhe më të mirë për të jetuar. Ne do të vazhdojmë të krijojmë edhe më shumë hapësira për parkim, duke përmirësuar cilësinë e jetesës dhe duke kontribuar në zhvillimin e komunës sonë”, ka deklaruar Ganiu. https://www.facebook.com/share/r/14bKwhPVQG/