Seanca e zhvilluar sot në Hagë ka vendosur shtyrjen pa një afat të catuar të gjykimit ndaj ish-krerëve të Ushtrisë Çlirimtare të Kosovës (UÇK). Mësohet se seanca e zhvilluar sot më 1 prill, u përfundua më herët nga sa ishte planifikuar. Ndërkohë, nuk u dha një datë e re se kur të do të vazhdojë gjykimi.
Kryeministri Kurti reagon ashpër për sulmin në Zveçan: Akt me elemente terroriste, hetim i plotë ndaj autorëve
Dhomat e Specializuara të Kosovës kanë njoftuar se pjesa e mbetur e seancave të kësaj jave janë anuluar
“Pjesa e mbetur e seancave të kësaj jave janë anuluar dhe gjykimi është shtyrë deri në një njoftim të mëtejshëm”,-thuhet në njoftimin e publikuar nga Dhomat e Specializuara të Kosovës.
Gjykimi ndaj tyre ka nisur në prill të vitit 2023.
Aktakuza i ngarkon të akuzuarit për përgjegjësi “personale”, por edhe për “krimet e kryera nga vartësit e tyre”.
Aktakuza thotë se katër të akuzuarit dhe anëtarë të tjerë të UÇK-së ishin pjesë e një “ndërmarrjeje të përbashkët kriminale” dhe “kanë ndarë qëllimin e njëjtë për të marrë dhe ushtruar kontrollin në gjithë Kosovën me të gjitha mjetet, përfshirë edhe frikësimin, keqtrajtimin, ushtrimin e dhunës dhe eliminimin e atyre që i konsideronin kundërshtarë”.
