Në mediat boshnjake po qarkullojnë disa pretendime për një takim ndërmjet liderit kontroverz të Republikës Sërpska, Milorad Dodik dhe emisarit për misione të posaçme në Administratën Trump, Richard Grenell.
Siç raporton Klix.ba duke e cituar Antena M, Dodik u takua sot në resortin luksoz Portonovi në Herceg Novi me Grenellin, përcjell Insajderi.
Të dy u takuan në hotelin “One and Only”, dhe një kongresmene amerikane nga Partia Republikane ishte prezente me ta.
Media malazeze thekson se asnjë nga zyrtarët e vendit të tyre nuk mori pjesë ose nuk pati ndonjë rol në organizimin e takimit.
Aeroplani qeveritar i Republikës Sërpska u kthye nga Mali i Zi sonte, gjë që u regjistrua edhe në aplikacionin e gjurmimit të aviacionit civil ADSB. /Insajderi.org/
