Një grabitje me armë ka ndodhur dje pasdite në një këmbimore në lagjen “Taftalixhe 2” të Shkupit. Sipas informacioneve dy persona të armatosur kanë kërcënuar punonjësin dhe i kanë marrë paratë.
“Me datë 22.11.2023 rreth orës 13:50 në SPB Shkup është raportuar se në një këmbimore në komunën e Karposhit, dy persona nën kërcënimin e armës i kanë marrë para nga punonjësi. Po ndërmerren masa për zbardhjen e rastit”, thonë nga MPB.
Ende nuk ka të dhëna se sa para janë vjedhur. Punonjësja që punon në këmbimore nuk ka pësuar lëndime.
