Analisti Dritan Goxhaj ka komentuar ashpër veprimet e fundit të Arben Taravarit, duke e cilësuar si shembull të politikës parazitare në trojet shqiptare. Sipas tij, Taravari është një politikan që ka lëvizur nga një forcë politike në tjetrën vetëm për përfitime personale, pa ndërtuar asnjë vizion afatgjatë.
“Taravari është siç mund të shihni ai lloji i parazitit politik. Ka hyrë nëpër forcat politike, ka qëndruar në to, ka vegjetuar në to, ka militarizuar në to deri në momentin që ka mundur të marrë dhe çka ka mundur të marrë,” deklaroi Goxhaj.
Ai shtoi se Taravari tashmë nuk ka fuqinë për të fituar as në qytetin e tij: “Ai nuk e merr tash dot as Gostivarin, sepse nesër Taravari del në Gostivar i vetëm, ai nuk merr asgjë. I duhet ose Ziadin Sela ose Ali Ahmeti.”
