Banorët e revoltuar në shenjë proteste dolën për të shprehur hallin e tyre.
“Kjo kabinë elektrike që është pas meje gjendet ne Luboten konkretisht në “Rrugen 1”, pas disa problemeve qe kishte mbrëmë e gjithë lagja ka mbetur pa rrymë elektrike, banorët ankohen se kjo u ndodh shpeshherë”, raporton Fazile Halili, gazetare e TV21.
Refedin Abdurahmani tha se ka 5 vite që përballen me ndërprerje, e ndodh që tërë javën të mbeten pa rrymë. Banorët kërkojnë që të sillet edhe një kabinë elektrike siç është në pjesën tjetër të fshatit.
“Problem me rrymën kemi 10 ditë, po flas në afatin më të shkurt. Ndërsa problemi është që në 2019-20. Dy ditë kemi një javë nuk kemi, ka njerëz të sëmurë ka fëmijë të vegjël, të gjitha problemet janë mbledhur. Kjo pjesa që është prej te varrezat deri te rruga që shkon teposhtë”, theksoi Refedin Abdurahmani, banor i Lubotenit.
Kur nuk ka rrymë shumica e banorëve mbeten edhe pa ujë, për shkak se ata ujin e nxjerrin me hidroforë.
“Më e keqja është se pa rrymë ne nuk kemi as ujë, sepse funksionojmë me puse. Është problem i kamotshëm sa vjen rregullohet përsëri prishet, e sanon EVN-ja përsëri prishet. Thonë që kjo është për 40 shtëpi mirëpo tani është shtuar është zgjeruar fshati. Prej 40 shtëpi deri 100 i ka vetëm ky trafostacion, nuk mundet ta mbajë”, shtoi Besir Elezi, banor i Lubotenit.
Përveç që nuk kanë rrymë, një banor na tha se edhe faturat ua sjellin në mënyrë paushallë.
“Faturat i sjellin paushall, ja ku e kam kushëririn këtu orën nuk e ka iu ka djegur ka më së paku 10 vite, dhe drejtori i evn-së Lirimi kur ka qenë, unë i them që nuk ka orë ai ta sjell faturën.
Afërsisht sa u vjen fatura juve? 260 deri 270 euro. Unë kam 7-8 metra dru, jo vetëm unë por i gjithë Luboteni. Vijnë këtu vetëm punojnë mirëpo defektin nuk e gjejnë ku duhet konkret”, tha një banor i Lubetenit.
TV21 pyeti në EVN për këtë problem, por deri në këtë edicion të lajmeve nuk morëm përgjigje.
