Gjykatësit e Gjykatës Kushtetuese njëzëri vendosën të mos nisin procedurë për vlerësimin e kushtetutshmërisë së çështjes “Marrëveshja e Prespës”, si dhe hodhën poshtë iniciativën për vlerësimin e kushtetutshmërisë së dekretit me të cilën është shpallur ligji. Ligji për ratifikimin e marrëveshjes është në përputhje me Kushtetutën dhe dekreti nuk përmban norma juridike, sqaron kryetarja Kaçarska.
“Gjykata Kushtetuese nuk ka komptenca të vendos për harmonizimin e marrëveshjeve ndërkombëtare me Kushtetutën, që do të thotë nuk ka kushte për lëshime gjatë analizës mbi bazën e pretendimeve nga iniciativat, të cilat kanë të bëjnë me përmbajtjen e marrëveshjes. Nëse supozohet se ligji shfuqizohet, marrëveshja vazhdon të qëndrojë.”, – deklaroi kryetarja e Gjykatës Kushtetuese, Dobrilla Kaçarska.
Lënda u përpilua nga nismat e dorëzuara nga Todor Petrov, kryetar i Kongresit Botëror Maqedonas dhe pesë iniciatorëve të tjerë. Petrov thotë se gjykatësit u morën më shumë me kompetencat e presidentit, në vend të asaj që ata duhet ta konsiderojnë si të kontestuara.
“Mbledhja e sotme është kulmi i padrejtësisë, shtetit jo të drejtë dhe të shoqërisë kriminele mes të gjykatësve dhe Qeverisë në pezullimin e të drejtave dhe lirisë së qytetarëve, si dhe rendit juridiko-kushtetues. Presidenti i shtetit nënshkruan marrëveshje ndërkombëtare sipas nenit 119.”, – theksoi kryetari i Kongresit Botëror Maqedonas, Todor Petrov.
Marrëveshja e Prespës u nënshkrua në qershor të vitit 2018 nga qeveritë e Maqedonisë dhe Greqisë, sipas së cilës Republika e Maqedonisë e ndryshon emrin e saj në Republika e Maqedonisë së Veriut.
