Sot, kryetari i Kuvendit, Afrim Gashi, informoi se është mbajt mbledhja inaugurues e Grupit Parlamentar Ndërpartiak për Ndjekjen e Progresit të Strategjisë Nacionale të Zhvillimit. Ky takim sipas kryekuvendarit Gashi shënon një hap të rëndësishëm në përpjekjet për implementimin e Strategjisë Nacionale të Zhvillimit, dokumenti kyç për zhvillimin e qëndrueshëm të vendit për 20 vitet e ardhshme.
“Gjatë fjalës sime, theksova rëndësinë e bashkëpunimit dhe konsenzusit ndërpartiak për të mbikëqyrur dhe përmirësuar implementimin e strategjisë, duke siguruar kështu edhe përputhshmërinë me politikat europiane dhe objektivat për zhvillim të qëndrueshëm. Ky grup do të jetë një mekanizëm i rëndësishëm për sigurinë e transparencës dhe llogaridhënies në zbatimin e strategjisë, me qëllimin zhvillimit të qëndrueshëm të vendit dhe ngritjes së mirëqenies së qytetarëve”, ka shkruar kryetari i Kuvendit, Afrim Gashi.
