Kryetari i komunës së Çairit Visar Ganiu ka takuar sot drejtorin e Indigo, njëherit edhe partner zbatues i projektit të USAID-it “Get Together for the Community.” Temë diskutimi ishte platforma dixhitale “Komuniti”.
Postimi i plotë:
Sot pata nderin të mirëpres në Komunën e Çairit z. Toyin Gbadamosi, Drejtor i Indigo, partner zbatues i projektit të USAID-it “Get Together for the Community.” Ky projekt synon forcimin e bashkëpunimit midis institucioneve lokale dhe qytetarëve përmes zgjidhjeve dixhitale.
Diskutuam mundësitë për zgjerimin e bashkëpunimit me fokus në platformën dixhitale “Komuniti,” e cila optimizon komunikimin midis komunës dhe qytetarëve dhe përmirëson shërbimet publike.
Theksova angazhimin e Komunës së Çairit për ta shfrytëzuar këtë platformë në mënyrën më të mirë, për të ofruar shërbime efikase dhe për të ndërtuar një komunikim të hapur me qytetarët.
Në periudhën e ardhshme, ky bashkëpunim do të sjellë shërbime të reja për përfitimin e të gjithëve.
