Kryetari i komunës së Çairit Visar Ganiu ka angazhuar punëtorët sezonal për pastrimin e hapësirave publike. Qëllimi i këtij aksioni sipas Ganiut është sigurimi i vazhdueshëm i ambientit të pastër.
Postimi i plotë;
Gjatë ditës së djeshme, punëtorët sezonalë kanë kryer pastrimin e rrugëve Parashqevi Qiriazi, Mehmet Gega, Ismail Qemali, Gjorgji Pop Hristov dhe Ferid Murad 🧹♻️, duke kontribuar në përmirësimin e higjienës dhe pamjes së hapësirave publike. Ky proces është një hap i rëndësishëm drejt ruajtjes së pastërtisë dhe krijimit të një mjedisi më të rregullt dhe të këndshëm për banorët.
Punëtorët sezonalë janë çdo ditë në terren dhe do të vazhdojnë të kujdesen për hapësirat publike, duke siguruar një ambient më të pastër dhe më të mirë për të gjithë qytetarët. 🌿🏡
