Kryetari i komunës së Çairit Visar Ganiu njofton se projekti për ndërtimin e çerdhes së re është gati ndërsa punimet pritet të nisin në fillim të vitit të ardhshëm.
Postimi i plotë:
Përkujdesja për fëmijët tanë është përkujdesje për të ardhmen. Me këtë vizion, me shumë kënaqësi dua t’ju njoftoj se kemi përgatitur projektin për ndërtimin e ri të Çerdhes “Fjolla”, pjesë e çerdhes kryesore “Borëbardha” në lagjen Fushë Tophanë.
Me kapacitet për 320-390 fëmijë, kjo çerdhe do të jetë një hap i rëndësishëm drejt krijimit të një mjedisi të sigurt dhe bashkëkohor për edukimin e hershëm, duke mbështetur zhvillimin intelektual dhe social të më të vegjëlve tanë.
Donatorët janë siguruar dhe punimet ndërtimore pritet të nisin në fillim të vitit 2025, duke sjellë përfitime të mëdha për komunitetin tonë dhe duke rritur standardin e shërbimeve për fëmijët e Çairit.
