Edhe futbollisti tjetër shqiptar, Andi Zeqiri ka pësuar një lëndim të rëndë dhe është në dyshim për ndeshjen e Zvicrës në Novi Sad të Serbisë kundër Bjellorusisë në kuadër të kualifikimeve për Kampionatin Evropian.
Zeqiri u lëndua rëndë në ndeshjen e sotme të Baselit në minutën e 11-të, shkruan lajmi.net.
Futbollisti me prejardhje shqiptare u largua nga fusha me barelë dhe shkalla e lëndimit duket të jetë e rëndë.
Lajmin për lëndimin e Zeqirit e bëri të ditur edhe faqja zyrtare e klubit të Baselit në rrjetet sociale, e cila ndau edhe një fotografi.
Zeqiri ishte në formë të mirë te Baseli dhe për këtë arsye u ftua te Zvicra pas një kohe të gjatë.
Zvicrës do t’i mungojë edhe Xherdan Shaqiri për ndeshjet e muajit mars.
