Një konferencë humanitare për civilët në Rripin e Gazës do të mbahet në Paris të enjten e javës së ardhshme, njoftoi të premten presidenti francez.
“Unë do të mbaj më 9 nëntor një konferencë humanitare në Paris në margjinat e Forumit të Paqes në Paris, për temën humanitare,” u tha Emmanuel Macron gazetarëve.
Ai nënvizoi angazhimin e Francës për të shmangur përshkallëzimin në Lindjen e Mesme dhe bëri thirrje për paqe dhe mbrojtje të civilëve.
Macron gjithashtu vuri në dukje se vendi i tij bëri thirrje për një armëpushim humanitar.
“Lufta kundër terrorizmit nuk justifikon sakrifikimin e civilëve,” theksoi ai.
Ushtria izraelite ka zgjeruar sulmet e saj ajrore dhe tokësore në Rripin e Gazës, i cili ka qenë nën sulme të pamëshirshme ajrore që nga ofensiva e befasishme e Hamasit më 7 tetor.
Më shumë se 10,700 njerëz janë vrarë në konflikt, duke përfshirë të paktën 9,227 palestinezë dhe më shumë se 1,538 izraelitë.
