Në Tetovë është ndaluar një shofer nga Zvicra, i cili sipas Policisë, voziste gati dyfish më shpejt sesa lejohej.
“Më 05.08.2025, në ora 11:35, zyrtarët policorë nga Stacioni Policor për Siguri në Komunikacionin Rrugor – Tetovë, e ndaluan A.L. (37) nga Zvicra. Gjatë kontrollit rrugor me radar, u konstatua se ai po drejtonte një veturë “Mercedes” me targa zvicerane me shpejtësi prej 155 km/h, në një zonë jashtë vendbanimit ku shpejtësia maksimale e lejuar është e kufizuar me shenjë në 80 km/h”, thonë nga MPB.
