Ministria e Arsimit dhe Shkencës firmosi marrëveshje për financimin e 40 projekteve
kërkimore-shkencore me fakultetet shtetërore, institutet shkencore dhe ASHAM. Nga këto,
15 projekte janë nga shkencat matematiko-natyrore, inxhinieri dhe teknologji, shkencat
mjekësore dhe shëndetësore, si dhe shkencat bujqësore dhe veterinere. Po aq projekte janë nga shkencat shoqërore dhe humane.Për herë të parë këtë vit,10 projekte po financohen nga fusha sipas Strategjisë për Specializim Intelegjent, janë identifikuar si fusha me potencial të lartë inovativ, kërkimor dhe ekonomik: bujqësia intelegjente dhe ushqimi me vlerë të shtuar, teknologjitë e TIK-ut, industria elektromekanike dhe materialet e qëndrueshme dhe ndërtesat intelegjente.
Projektet u përzgjodhën përmes konkursit publik. Shuma totale për financimin e secilit
projekt arrin deri në 8 milionë denarë, ndërsa ekipet kërkimore duhet t’i përfundojnë projektet deri në fund të tetorit 2026.
Ministrja e Arsimit dhe Shkencës Vesna Janevska theksoi se ky është konkursi i tretë sipas së cilit miratohen mjetet për financimin e projekteve kërkimore-shkencore, gjë që tregon qartë drejtimin në të cilin dëshirojmë ta çojmë vendin.
„Për këtë Qeveri, shkenca është burim strategjik për zhvillim. Prandaj, po i intensifikojmë
investimet në projekte kërkimore-shkencore, në bazë të kritereve të sakta për përzgjedhje: inkurajojmë ide origjinale dhe inovative, mbështesim hulumtues të rinj dhe projekte ndërkombëtare konkurruese dhe relevante. Qëllimi ynë është të krijojmë kushte për shkencë cilësore e cila sjell rezultate reale dhe ka potencial ta përshpejtojë zhvillimin shoqëroro- ekonomik të vendit“, theksoi Janevska.
Paraprakisht, Ministria e Arsimit dhe Shkencës miratoi edhe mjete për pesë projekte
kërkimore-shkencore, me rëndësi të veçantë shkencore dhe publike, të cilat janë rezultat i
bashkëpunimit ndërmjet sektorit akademik dhe atij të biznesit, në kuadër të specializimit
intelegjent të vendit, në vlerë të përgjithshme prej 30.4 milionë denarë.
Javën e kaluar u firmosën marrëveshje me tetë institucione publike shkencore për financimin e projekteve kërkimore-shkencore, në vlerë të përgjithshme prej 23.7 milionë denarë.
Këtë vit, Ministria e Arsimit dhe Shkencës ndau buxhet prej 680 milionë denarësh për
financimin e shkencës, e cila është në rritje pothuajse dyfish më e lartë krahasuar me
Buxhetin e vitit 2024.
