I dërguari i SHBA-së për Lindjen e Mesme, Steve Witkoff, njoftoi se ka filluar periudha 72-orëshe për lirimin e pengjeve izraelite në Gaza, sipas marrëveshjes së armëpushimit.
“CENTCOM ka konfirmuar se Forcat Mbrojtëse Izraelite përfunduan fazën e parë të tërheqjes në vijën e verdhë në orën 12:00 lokale. Periudha 72-orëshe për lirimin e pengjeve ka filluar”, shkroi Witkoff në X.
Sipas marrëveshjes së armëpushimit, Hamasi duhet të lirojë 20 pengje izraelitë dhe të dorëzojë trupat e 28 pengjeve të vrarë brenda 72 orëve nga hyrja në fuqi e armëpushimit. Në këmbim, Izraeli do të lirojë 250 të burgosur palestinezë me dënime të përjetshme dhe 1.700 të paraburgosur nga Gaza që nga 7 tetori 2023.
Marrëveshja nënvizon sfidat e mundshme në gjetjen dhe dorëzimin e trupave të robërve të vdekur.
