Në emisionin “Rishtaz” të Koha-s, zëvendëskryeministri për Qeverisje të Mirë dhe një nga liderët e VLEN-it, Arben Fetai, reagoi ashpër ndaj gjendjes së ujësjellësve në komuna të cilat për dekada janë udhëhequr nga BDI, duke e quajtur të papranueshme që në vitin 2025 ende flitet për ujë të pijshëm dhe kanalizime si probleme bazike.
“I kemi investuar 292 milionë euro në komuna për ujë të pijshëm dhe kanalizime. A e dini kur është zgjidhur ky problem në botën e civilizuar? Roma i ka zgjidhur këto probleme para 2600 viteve. Mua më vjen turp që në vitin 2025 dal nëpër tubime dhe flas për ujë të pijshëm. A e keni parë çka pijnë nxënësit e Vaksincës e Llojanit? Pijnë ujë të helmuar me arsen, helm që vret,” tha Fetai.
Ai theksoi se nga 292 milionë euro të ndara në nivel republikan, 82 milionë euro janë investuar në komunat shqiptare, përmes dy thirrjeve për projekte komunale që përfshijnë infrastrukturë nëntokësore, politika mjedisore dhe objekte sportive.
“Vetëm Tetova i ka 65 projekte në zbatim, ndërsa Gostivari që ankohet Taravari i ka 45 projekte dhe bën çdo ditë PR me ato para të Qeverisë. Në Çair janë ndarë 100 milionë euro për 15 muaj. Kjo është revolucion”, tha Fetai.
Në fund, ai shtoi se krahas investimeve kapitale, Qeveria ka mundësuar mbi 2300 punësime të reja për shqiptarët dhe qindra avancime.
Fetai: Pas 20 vitesh qeverisje të BDI-së, shqiptarët ende presin ujë të pijshëm!
Related Posts
