Edhe pse shiu nuk mungoi, qytetarët e Gostivarit treguan vendosmërinë e tyre për ndryshim. Sonte u hap zyrtarisht shtabi i VLEN në Gostivar, një hap i rëndësishëm drejt zgjedhjeve lokale.
“Sonte hapëm shtabin e VLEN në Gostivar. Gostivari fiton një ekip të përkushtuar, me vizion dhe integritet, që përfaqëson ndryshimin që qyteti e meriton dhe garancinë për një qeverisje të ndershme, transparente dhe afër qytetarëve”, tha zëvendëskryeministri Arben Fetai.
Në krye të ekipit lokal është Sebaedin Dauti, kandidat për kryetar, ndërsa lista e VLEN do të udhëhiqet nga Bashkim Hasani. Shtabin e drejton Fisnik Ristemi, duke e kompletuar kështu ekipin dhe duke e bërë atë të gatshëm për fitore.
“Me Sebaedinin dhe ekipin e VLEN, Gostivari është gati për ndryshimin që qytetarët e presin. Gostivari me Sebaedinin, VLEN për Ndryshimin!”, shtoi Fetai.
