Zëvendëskryeministri Arben Fetai ka reaguar pas denoncimit të gazetarit Naser Selmani, i cili nëpërmjet rrjeteve sociale raportoi për një tentim frikësimi ndaj tij.
“E dënoj ashpër tentimin për frikësim të gazetarit Naser Selmani, të raportuar nga vetë ai nëpërmjet rrjeteve sociale. Për ne, liria e shprehjes dhe liria e mediave janë të shenjta dhe do t’i mbrojmë me përkushtim, edhe kur nuk pajtohemi”, ka shkruar Fetai.
Ai u ka bërë thirrje institucioneve kompetente që urgjentisht ta hetojnë dhe ta zbardhin rastin. “U bëj thirrje organeve kompetente ta zbardhin rastin sa më shpejt që është e mundur”, ka shtuar Fetai.
