Fetai bënë homazhe në Kompleksin memorial Adem Jashari në Prekaz

Zëvendëskryeministri për qeverisje të mirë në Qeverinë e Maqedonisë së Veriut, Arben Fetai sot u përkul para varrezave të familjes Jashari në Prekaz, në shenjë nderimi për sakrificën sublime të komandantit legjendar të UÇK-së, Adem Jashari dhe familjes së tij.
“Në këtë vend të shenjtë të historisë sonë, nuk nderojmë vetëm rënien heroike të familjes Jashari, por edhe përpjekjen shekullore të kombit tonë për liri dhe mëvetësi”, shkruan në profilin e tij të Fesbukut Zëvendëskryeministri Fetai.
Ai vlerëson se Kosova moderne, demokratike, me orientim euroatlantik, është ndërtuar mbi vlerat e luftës çlirimtare, të cilës ua bashkua një komb i tërë në përpjekjet për liri dhe pavarësi.
“Sot, çdo shqiptar duhet të ndjehet krenar për këtë rrugëtimin dhe të ketë besim të plotë në të ardhmen e sigurt të shtetit të të pavarur dhe sovran të Kosovës”, shkruan Fetai duke shprehur lavd të përjetshëm për heronjtë e kombit!