Kështu kanë qeverisur për 22 vite me radhë, duke bërë qindra kompromise të dëmshme në kurriz të shqiptarëve, duke heshtur përballë rasteve të montuara politike dhe vrasjeve të pasqaruara të ish-ushtarëve të UÇK-së.
Sot, edhe si opozitë, sillen njësoj: fillimisht votojnë me dorën e tyre për ndryshimet në rregullimin e organeve të administratës shtetërore, e më pas sulmojnë qeverinë për gjoja “çbërjen” e Inspektoratit për Përdorimin e Gjuhëve.
Për informimin e publikut: më 10 qershor 2024, kur ende nuk ishte votuar Qeveria e re, Kuvendi miratoi Ligjin për ndryshimin dhe plotësimin e Ligjit për organizimin dhe punën e organeve të administratës shtetërore, me 88 vota për, 22 kundër dhe asnjë abstenim.
Pro kanë votuar edhe Ali Ahmeti dhe deputetët e tij. Link i votimit zyrtar: https://shorturl.at/j94yq
Ky ligj sjell reforma të rëndësishme në funksionimin e organeve inspektuese: u heq atyre statusin e personit juridik dhe i sistemon nën ministritë përkatëse, sipas një modeli më të qartë dhe efikas të llogaridhënies dhe koordinimit – për të gjitha inspektoratet, pa dallim. Ligji në fjalë: https://shorturl.at/47aff
Sot, kur zhurmuesit e BDI-së derdhin lot krokodili, u bëjmë që të kërkojnë llogari nga deputetët e tyre – duke filluar nga kryetari e tutje.
Rrena i ka këmbët e shkurta.
