Festivali më i famshëm në Kosovë dhe rajon, “Sunny Hill Festival”, sivjet premton të sjell “çmenduri”.
Pas suksesit të padiskutueshëm të edicioneve të kaluara, festivali sivjet rikthehet me emra të rinj në skenë dhe shumë argëtim në audiencë, shkruan IndeksOnline.
Organizatorët tashmë kanë publikuar emrin e parë të listës kryesore të përformuesve – Peggy Gou, që në botën e muzikës elektronike është “legjendë”.
Tani, simpatizantëve të muzikës iu mbetet vetëm të marrin biletat.
Për këta të fundit, “Sunny Hill” ka një njoftim të rëndësishëm që ka të bëjë me biletat e festivalit.
Biletat “Early Bird” që mirren me çmim më të ulët, janë në përfundim e sipër.
Të gjithë ata që duan të jenë pjesë e festivalit dhe të mos paguajnë shumë, biletën “Early Bird” kanë kohë ta marrin vetëm edhe shtatë ditë.
Pas shtatë ditëve, biletat e disponueshme do të jenë me çmim të rregullt.
“Mos humbisni mundësinë të përjetoni performanca të mrekullueshme, momente të paharruara dhe të gjithë magjinë e festivalit, me një çmim më të ulët”, deklarohen organizatorët.
