Llozovë: EVN Maqedoni së bashku me Qendrën Energo të Konsumatorëve të Elektrodistribuimit në Shtip, realizuan aksion vullnetar për mbjelljen e 300 fidanëve në komunën e Llozovës, si rezultat i përkushtimit afatgjatë për zhvillim të qëndrueshëm dhe mbrojtje të mjedisit.
Në kuadër të projektit për punë vullnetare të EVN-së, grupi prej 14 vullnetarësh së bashku me përfaqësuesit komunal, ditën e punës ia kushtuan pyllëzimit në lokacione të caktuara. Me këtë veprim është kontribuar për një Llozovë më të gjelbër dhe më të pastër, dhe rrjedhimisht një cilësi më të mirë të jetës së popullatës në afat të gjatë.
Projekti EVN, i cili mundëson zgjidhje sistematike të vullnetarizmit në kompani, nga ideimi deri në implementim, ka filluar në korrik të vitit 2017. Deri më tani janë realizuar 57 aktivitete me mbi 600 të punësuar.
Aktivitetet vullnetare janë pjesë e përpjekjeve të vazhdueshme të EVN Maqedoni për të realizuar projekte që kanë ndikim pozitiv në mjedis. Kompania është plotësisht e përkushtuar për inkurajimin e punonjësve dhe zbatimin e aktiviteteve që synojnë një të ardhme më të mirë për të gjithë qytetarët.
