Holanda dhe Franca, përballen mes tyre, në ndeshjen e vlefshme për Grupin D, në Euro 2024.
Dy kombëtaret shihen si favorite për të fituar trofeun dhe për këtë arsye, pritet të jetë një ndeshje spektakolare.
Franca vjen në këtë takim pas një fitoreje në ndeshjen e parë kundër Austrisë me shifrat 0-1.
Holanda nga ana tjetër, vjen pas fitores me Poloninë 1-2. “Tulipanët” synojnë të marrin fitoren e radhës dhe kreun e Grupit D.
“Gjelat” do të vijnë sot me një mungesë të rëndësishme, pa Kilian Mbape. Francezi pësoi një lëndim dhe theu hundën në takimin me austriakët, dhe trajneri Deshamp ka menduar ta lërë në stol mbrëmjen e sotme.
Pak minuta para fillimit, dy trajnerët kanë zbuluar edhe titullarët e këtij takimi.
FORMACIONET ZYRTARE:
Holanda: Verbruggen, Dumfries, De Vrij, Van Dijk, Ake, Reijnders, Simons, Scouten, Gakpo, Frimpong, Depay.
Franca: Maignan, Theo Hernandez, Saliba, Upamecano, Kounde, Rabiot, Kante, Tchouameni, Griezmann, Dembele, Thuram.
