Pas rreshtimit të kuadrateve të FSK-së në kazermën “Adem Jashari” në Prishtinë, për shënimin e 27-vjetorit të popesë së Ushtrisë Çlirimtare të Kosovës, Presidentja Vjosa Osmani ka deklaruar se muaji mars në Kosovë është një kujtesë e përhershme e heroizmit dhe vendosmërisë së popullit për liri.
Presidentja Vjosa Osmani vuri në dukje “se epopeja e UÇK-së është një testament i përjetshëm i qëndresës, sakrificës dhe i pathyeshmërisë së popullit tonë”, shkruan A2.
Nga ana e tij, Kryeministri Albin Kurti tha se një nga detyrat kyçe për ruajtjen e lirisë së fituar me gjakun e dëshmoreve dhe martirëve të popullit ka qenë dhe vazhdon të mbetet fuqizimi i ushtrisë së Kosovës.
Duke folur për sakrificën e bërë, për të ndërtuar ushtrinë e Kosvës, Kurti tha se qysh nga viti 1989 kur Adem Jashari me shokë filluan të flasin e të punojnë për një ushtri të Kosovës dhe deri sot, “kurrë nuk kemi pasur një ushtri më të fortë, më të armatosur, me ta pajisur dhe më të trajnuar sesa sot”.
Sakrifica e Adem Jashari dhe se familja Jashari mbetet themeli ku u ngrit liria e Kosovës dhe monument i gjallë i sakrificës dhe heroizmit të pashoq, u vlerësua në këtë ceremoni.
