Kandidati i koalicionit VLEN për komunën e Sarajit në zgjedhjet lokale, njëherësh drejtor i NOMAGAS-it, Muhamed Elmazi, ka zhvilluar një takim me strukturat e VLEN-it, ku ka diskutuar për hapat dhe idetë drejt fitores në zgjedhjet e ardhshme.
Në këtë takim morën pjesë edhe shefi i shtabit të përgjithshëm të VLEN-it, deputeti Adnan Azizi, deputetja Feride Haxhiu si dhe funksionarë të komunës së Sarajit.
“Me strukturat e VLEN-it, dhe praninë e çmuar të shefit të shtabit të përgjithshëm, deputetit Adnan Azizi, deputetes Feride Haxhiu si dhe funksionarëve të komunës së Sarajit, duke diskutuar idetë dhe hapat për fitoren që na pret! Bashkë e bëjmë ndryshimin! Për Sarajin tonë!”, ka shkruar Elmazi në një postim në rrjetet sociale.
