Ekspozita personale e Eshref Qahilit në Çifte Hamam

Në gjysmën e parë të dhjetorit 2023, Hamami Çifte do të bëhet “Muzeu i Fëmijërisë”. Është ekspozitë personale e artistit dhe profesorit të artit figurativ Eshref Qahili nga Prishtina. Ekspozita do të hapet më 5 dhjetor 2023, në orën 19:00. Ne hapjen e ekspozites do të merr fjalë edhe drejtoresha e Galerisë Nacionale Dr.Dita Starova Qerimi dhe profesori Reshat Ameti, anëtar i Bordit drejtues të Galerisë Nacionale.
Ekspozita “Muzeu i Fëmijërisë” përfshin tridhjetë punime vaj në pëlhurë dhe teknikë të kombinuar dhe në skenën e artit do të jetë e hapur për publikun deri më 18 dhjetor 2023. Qahili ekspozon për herë të parë në Galerinë Nacionale dhe ky projekt realizohet në kuadër të shkëmbimit kulturor bilateral ndërmjet Republikës së Maqedonisë së Veriut dhe Kosovës.
Drejt veprës së Eshref Qahilit Artisti dhe profesori Eshref Qahili vjen me një ekspozitë për herë të parë në ndërtesën madhështore të arkitekturës profane islame Çifte Hamam në Galerinë tonë Nacionale.
Ekspozita ka një titull interesant – “Muzeu i Fëmijërisë”. Përmes tridhjetë punimeve të grupuara në cikle, autori i udhëzon vizitorët përmes ngjarjeve të përditshme duke filluar nga fëmijëria e hershme dhe rinia e deri në moshë madhore. Përmes elementeve të shprehjes eksplicite të përvojave, ai tregon për takimet me kryeqytetet botërore
të artit dhe seancat me artistët nga rajoni, ku ata shkëmbyen shumë mendime dhe përvoja krijuese.
Veprat e Qahilit janë shumë të afërta me pikturat paleolitike, magdalenase, të cilat, përmes vijës dhe vizatimit, kapin shprehjet e gjuetisë, duke na paraqitur kafshët, enët, armët e përdorura nga njerëzit e atëhershëm. Në to, Qahili përmes të kaluarës pasqyron të tashmen, dhe na çon në të ardhmen përmes pikëpamjes së tij krijuese me
shpërthim artistik. Në vepra mbizotëron gjeometria, skematizmi dhe paraqitja figurative shkrihet në simbole dhe shenja të ndryshme të koncepteve fetare.
Në punimet e ekspozuara, figura spikat si një model ekspresiv, i futur në një sfond të pastër, kryesisht të bardhë, por ndonjëherë edhe plot ngjyra. Figura dhe amorfja takohen gjithashtu në një sfond blu, i cili arrin efektin e ekuilibrit artistik. Nëpërmjet ciklit të pikturave “Muzeu i Fëmijërisë” Eshref Qahili na çon nëpër fushat e futbollit të lojës të dominuara nga linja si një masë dhe shfaqje e përsosur e mbledhjes së organizuar selektive.
Një nga ciklet e paraqitura tregon momentet e vjeljes së frutave nga natyra, të përziera në kanavacë në një mënyrë ekspresioniste. Ndoshta kontakti i ngushtë me punën e artistëve dhe kolegëve shqiptarë Ibrahim Kodra dhe Omer Kaleshi, në një farë mënyre, i dha atij një impuls pozitiv dhe stimuloi krijimtarinë e tij duke vizatuar së bashku me Kodrënnë Italinë një copë letër.
Qahili plotëson kanavacat e tij me kolazhe, duke i dhënë fluturim imagjinatës. Kështu, në ciklin “Imazhi i paharrueshëm”, na paraqitet një botë peizazhesh me segmente shumë-shtresore të jetës bimore, përfshirë pjesë të botës nënujore, ku konturimi është detaji më i rëndësishëm.
Në pikturën e tij, Qahili kërkon të paraqesë zakonet e jetës së përditshme në dritën e toneve të zgjedhura.
Nëpërmjet vizatimit të saktë dhe të qartë dhe temës dramatike, ne njohim kohën në të cilën ai jeton dhe mënyrën se si e përjeton atë. Kryqëzimi i horizontales dhe vertikales nxjerr në pah individualitetin e saj, të pasuruar me ngjyra të shpërndara në mënyrë të barabartë, të cilat u shtojnë gjallëri motiveve të paraqitura.
Maja Kërstevska, kuratore e lartë