Bayern Munchen ka marrë një humbje turpëruese në Bundesliga, ku është mundur me rezultatin e thellë 5-1 nga Eintracht Frankfurt.
Bavarezët e panë veten në vështirësi që në nisje të takimit, ku brenda 35 minutash pësuan 3 gola nga Marmoush, Ebimbe dhe Larsson.
Bayern u përpoq të rihapte lojën me anë të Kimmich, por vendasit reaguan menjëherë dhe gjetën dhe dy herë rrugën e rrjetës.
Tashmë, Leverkusen ka mundësinë të thellojë më tej diferencën në krye të renditjes, kjo edhe pasi Bayern ka një ndeshje më pak, që u shty për shkak të borës.
