Një ngjarje e pazakontë ka ndodhur në javën e 35-të mes Leisterit dhe Sauthemtonit në Premier League.
Arbitri i ndeshjes Devid Ueb i cili debutoi për herë të parë në elitën e futbollit angklez i ndodhi një incident gjatë ndeshjes ku mbeti i dëmtuar pasi u përplas me Xhordan Ajeun.
Por ajo që solli më aps të qeshura dhe duratrokitje në stadium ishte veprimi i legjendës së Leister, Xhemi Vardi, i cili vrapoi te kryesori dhe me shumë humor, i ra bilbilit të tij për ndalesën e lojës.
Në këtë sfidë Vardi shënoi golin e parë të ndeshjes, ndërsa kujtojmë që ky është sezoni i tij i fundit me skuadrën e Leister me të cilin ka fituar edhe një titull Premier League.
