Newcastle ka mposhtur Arsenal në transfertë në sfidën e vlefshme për gjysmëfinalen e EFL Cup. Ndeshja e parë mes këtyre dy ekipeve e zhvilluar në “Emirates Stadium” përfundoi me fitoren e pastër 0-2 të Newcastle.
Golat për klubin e drejtuar nga sheikët u shënuan nga Alexander Isak dhe Anthony Gordon. Sulmuesi suedez shënoi të parin në minutën e 37-të, ndërsa në të 51-tën, Gordon ‘vulosi’ rezultatin përfundimtar.
Një fitore e rëndësishme për bardhezinjtë që tashmë do të shkojnë në sfidën tjetër më të qetë. Kujtojmë se ndeshja e kthimit mes këtyre dy ekipeve do të luhet më 5 shkurt në “St. James’ Park”, duke nisur nga ora 21:00.
