Ministri i Ekonomisë dhe Punës, Besar Durmishi, në Ditën Botërore të Sigurisë dhe Shëndetit në Punë, prezantoi programet e reja për trajnime në teknologji të avancuara.
Përmes Planit Operativ për vitin 2025, ministria synon që të gjithë ata që duan të rrisin shkathtësitë digjitale, nga teknologjia e informacionit, inteligjenca artificiale, rrjetet kompjuterike deri te marketingu digjital të kenë mundësi të reja për punësim dhe sukses.
“Investimi në shkathtësitë digjitale nuk është vetëm investim në punësim, është investim në të ardhmen tonë!”, theksoi Durmishi, duke nënvizuar se çdo qytetar do të ketë mundësinë të rikualifikohet dhe të bëhet pjesë e tregut të ri të punës që po e ndryshon shpejt teknologjia.
Njëkohësisht, Ministria po përgatit një kornizë të re ligjore që do të garantojë siguri dhe shëndet në punë edhe në epokën e dixhitalizimit, duke mbrojtur si aspektin fizik ashtu edhe atë psiko-social të punëtorëve.
Kush mëson sot, punon nesër! – Durmishi hap rrugën për punësim me dije digjitale
Në Ditën Botërore të Sigurisë dhe Shëndetit në Punë, Ministri i Ekonomisë dhe Punës, Besar Durmishi, dha një mesazh të fuqishëm për të gjithë qytetarët, investoni në vete, sepse tregu i punës po ndryshon me shpejtësi!
Përmes Planit Operativ për vitin 2025, ministria hap programe për trajnim në teknologjitë e informacionit, inteligjencën artificiale, rrjetet kompjuterike dhe marketingun digjital, duke i dhënë shans të barabartë çdo qytetari që dëshiron të ecë përpara.
“Ne po investojmë në aftësitë e qytetarëve tanë për një të ardhme të sigurt. Kush mëson sot, nesër do të ketë punë!”, bëri të ditur ministri Durmishi.
Ministria gjithashtu është duke përgatitur një ligj të ri për të garantuar sigurinë dhe shëndetin në vendet moderne të punës.
