Durmishi dhe Stojkoski: Rritet numri i produkteve në “Shportën e Vitit të Ri”

‘Siç mund ta shihnim sot në raftet e marketeve janë shënuar produkte me çmime më të
ulëta që janë pjesë e Shportës së Vitit të Ri. Për disa nga produktet, ulja është më
shumë se 10%. Kam gjithashtu kënaqësinë të them se numri i produkteve të përfshira
në Shportën e Vitit të Ri po rritet vazhdimisht dhe ka arritur në 1068, ndërsa po rritet
gjithashtu edhe numri i marketeve dhe shpërndarësve të përfshirë në këtë aksion.
Numri i marketeve arriti në 42, ndërsa produkte me lirim në Shportën e Vitit të Ri
dorëzuan 95 prodhues dhe shpërndarës.
Lista nuk është e mbyllur, ne presim që më shumë produkte të vendosen në këtë listë,
në mënyrë që së bashku t'u dalim në ndihmë qytetarët”, tha ministri i Ekonomisë dhe
Punës Besar Durmishi gjatë vizitës së sotme në disa nga marketet e përfshira në
aksionin “ Shporta e Vitit të Ri ”, së bashku me zëvendësministrin e Ekonomisë dhe
Punës Marjan Risteski dhe Drejtorin e Inspektoratit Shtetëror të Tregut, Vllatko
Stojkoski.
‘Kam kënaqësinë që në një kohë të shkurtër arritëm të realizojmë këtë aksion që presim
të japë rezultat më të madh sesa Shporta e vjeshtës. Në Shportën e vjeshtës ishin
përfshirë 73 grupe produktesh, ndërsa tani ka 1098 produkte, presim që efekti i
shportës së Vitit të Ri të jetë më i madh’, potencoi Durmishi.
Inspektorati i tregut është në terren dhe kontrollon nëse respektohet aksioni siç është
propozuar nga vetë prodhuesit, shpërndarësit dhe tregtarët.
“Në këto pesë ditë, Inspektorati Shtetëror i Tregut ka regjistruar vërejtje të vogla për sa i
përket shënimeve dhe korrigjimeve të vogla të çmimeve në dy ose tre subjekte tregtare.
Nuk janë vërejtur parregullsi të përmasave më të mëdha. Mund të konkludoj se të gjithë
faktorët në këtë proces respektojnë atë që është dakorduar. Monitorimi që e zbatoi
ISHT para fillimit të aksionit tregoi se ajo që është dakorduar po respektohet seriozisht
dhe tregtarët e tregojnë në vepër përgjegjësinë shoqërore. Edhe sipas Ligjit për
Mbrojtjen e Konsumatorëve, si Inspektorat i Tregut, kemi të drejtë dhe kontrollojmë çmimin më të ulët në 30 ditët e fundit, respektivisht në çmimin më të ulët së paku 10 për
qind ulje. Jemi duke e kontrolluar këtë, jemi në rrjedhë dhe nuk kemi ndonjë dallim
drastik, ‘ tha drejtori Stojkoski.
Aksioni “Shporta e Vitit të Ri” është me propozimin e kompanive dhe ka për qëllim rritjen
e përgjegjësisë shoqërore.
Qytetarët mund të denoncojnë në Inspektoratin Shtetëror të Tregut në numrin falas 191
ose në faqen e internetit www.dpi.gov.mk nëse vërejnë se çmimeve e produkteve nga
shporta e Vitit të Ri nuk janë ulur dhe shënuar në raftet e marketeve.