U parandalua kontrabanda e 50 paketave të cigareve që një shtetas grek i bleu në free-shop dhe donte t’i sillte në Republikën e Maqedonisë së Veriut përmes pikës kufitare Bogorodicë. Vlera e përgjithshme e pakove është 85.900 denarë, ndërsa dogana totale që personi ka dashur t’i shmanget është 60.900 denarë.
Paketat e cigareve doganierët i zbuluan në hapësirat e fabrikuara pas tapicerisë së dyerve të pasme të automjetit me të cilin udhëtonte shtetasi grek.
Paketat u konfiskuan me gjithsej 10 mijë cigare, ndërsa ndaj personit është ngritur kallëzim për kundërvajtje.
Drejtoria e doganave, në kuadër të kompetencave të saj, kryen veprimtari për mbrojtjen e interesave financiare të shtetit dhe shtypjen e tregtisë ilegale.
