Ndërmarrja Publike për Rrugë Shtetërore (NPRRSHT) sot, 4-Maj, shënon ditën e shërbimit pagesor. Me këtë rast, drejtori Ejup Rustemi së basku me ministrin e Transportit dhe Lidhjeve, Bllagoj Boçvarski, vizituan shërbimin pagesor në Pikën pagesore Pertovec.
NPRRSH njofton se në ditën e shërbimit pagesor, me të drejtë të plotë mund të mburret se është sinonim i pagesës së taksave rrugore moderne, elektronike dhe bashkëkohore, e cila ofron shërbime profesionale dhe cilësore me qëllim që të mundësohet qarkullim i shpejtë dhe i sigurt i komunikacionit.
“Ndërmarrja në mënyrë të vazhdueshme po punon për modernizimin e sistemit pagesor, kështu që në vitin 2019 për herë të parë u bë operative edhe pagesa elektronike e taksës rrugore, e cila shënon rritje të vazhdueshme si në shitjen e pajisjeve elektronike ashtu edhe në rimbushjen e tyre”, theksojnë nga kjo ndërmarrje.
Sipas tyre, në kontiunitet rriten të ardhurat nga pagesat rrugore që nënkupton rritje të investimeve në ndertimin dhe rehabilitimin e rrugëve shtetërore që qytetarët të kenw mundwsi tw udhëtojnë në rrugë më të sigurta dhe moderne.
“Sa i përket komunikacionit të realizuar në dy Korridoret kryesore – Korridorin 8 dhe Korridorin 10, në vitin 2022 gjithsej kanë kaluaruar 52 milionë automjete të të gjitha kategorive. Një komunikacion i tillë NPRRSH-së i solli të hyra rekorde me mbi 53 milion euro, që paraqet rritje të të hyrave të realizuara për 15%. Për vitin aktual 2023, projeksionet janë në rritje dhe presim të hyra prej rreth 56 milion euro. Kjo do të thotë përfitim jo vetëm për NPRRSH por edhe për qytetarët dhe vendin tonë, për shkak se të gjitha këto mjete investohen në rrugë të reja, në rehabilitim e rrugëve ekzistuese dhe në mirëmbajtjen e të gjitha drejtimeve rrugore të tjera rajonale”, pohojnë nga NP Rrugët Shtetërore.
Rikujtojmë se në vitin 1987, në vendin tonë janë lëshuar në përdorim tre pika pagesore.
