Në ora 20:30, pika shitëse e “Neptun” në Parkun e Qytetit në Shkup është “bllokuar” nga dy persona të maskuar dhe të armatosur, transmeton TV21.
Ata kanë hyrë brenda, në kulmin e “Black Friday” dhe të maskuar dhe me armë janë drejtuar kah kasafortat ku kanë kërkuar që t’a nxjerrin gjithë qarkullimin ditor.
“Hiqni paratë nga kasa. Nëse ndokush e thërret policinë, do të ju vrasim të gjithëve”.
Por për shkurt kohë ka arritur policia. Njëri është kapur, kurse tjetri ka ikur.
Personi me të cilin foli TV21, i cili në atë kohe ndodhej brenda, thotë se dy persona të maskuar kanë kërcënuar se do t’i vrasin të gjithë, nëse ndokush e njofton policinë.
Personi me të cilin foli TV21, tha se për 20 minuta kanë qenë të bllokuar brenda. 
