Presidenti i SHBA-së, Donald Trump është në procesin e shkarkimit të mijëra punonjësve të Shtëpisë së Bardhë, të cilët nuk janë në përputhje me vizionin e tij: “Ta bëjmë Amerikën madhështore sërish”.
Duke përdorur platformën e tij të mediave sociale, Truth Social, presidenti i 47-të i sapo inauguruar pushoi publikisht disa punonjës të lartë në një ndryshim të paprecedentë.
Në postim shkruhej: “Dita jonë e parë në Shtëpinë e Bardhë nuk ka përfunduar ende! Zyra ime e personelit presidencial është aktivisht në procesin e identifikimit dhe largimit të mbi një mijë të emëruarve presidencialë nga administrata e mëparshme, të cilët nuk janë në përputhje me vizionin tonë për ta bërë Amerikën përsëri madhështore.
Le të shërbejë ky si Njoftim Zyrtar i shkarkimit për këta 4 individë, me shumë të tjerë që vijnë së shpejti.
Jose Andres nga Këshilli i Presidentit për Sportin, Fitnesin dhe Ushqyerjen, Mark Milley nga Këshilli Këshillimor Kombëtar i Infrastrukturës, Brian Hook nga Qendra Wilson për Studiuesit dhe Keisha Lance Bottoms nga Këshilli i Eksportit të Presidentit – Ju jeni të pushuar!”.
Shkarkimi i gjeneralit Milley vjen pasi Joe Biden, 82 vjeç, përdori momentet e tij të fundit në Zyrën Ovale për t’i dhënë mbrojtje të plotë ish-kryetarit të shefave të përbashkët të shtabit, për të cilin Trump tha se meritonte të ekzekutohej.
Dhe Jose Andres, kuzhinieri pas World Central Kitchen, i cili furnizon ushqime në vazhdën e fatkeqësive natyrore, u pa duke punuar së bashku me Princin Harry dhe Meghan në fillim të këtij muaji gjatë zjarreve të LA.
Burimet kanë zbuluar se mes lëvizjes gjithëpërfshirëse për të riformuar trupin diplomatik amerikan, ekipi i tranzicionit i Trump thuhet se ka kërkuar dorëheqjen e mbi një duzinë diplomatëve të lartë të karrierës.
