Reperi Don Xhoni ka sjellë për publikun videoklipin e tij më të ri, duke shënuar një tjetër hap në krijimtarinë e tij muzikore. Projekti është realizuar me një ekip të gjerë artistësh dhe profesionistësh të industrisë.
Muzika mban firmën e producentit Rzon, ndërsa beat-i është krijuar nga Rzon, Jackie dhe G Leo. Teksti është shkruar vetë nga Don Xhoni, duke reflektuar stilin e tij karakteristik dhe energjinë që e ka bërë të njohur.
Pjesa vizuale e projektit është realizuar nga Sekuence, duke i dhënë klipit një dimension estetik që përputhet me ritmin dhe atmosferën e këngës.
Fillimisht, publikimi i klipit ishte menduar të bëhej dje, por u shty për shkak të tragjedisë që goditi familjen e reperit Gjesti, si shenjë respekti dhe solidariteti.
Publikimi i sotëm pritet të tërheqë interesimin e fansave dhe të vazhdojë suksesin e artistit në tregun muzikor shqiptar.
